समाचार

लहान । लागुऔषध कारोबारमा संलग्न उदयपुरका एक युवकलाई सिरहा प्रहरीले नियन्त्रणमा लिएको छ। उदयपुरको गढी गाउँपालिका–७ का २६ वर्षीय भरत तामाङलाई लहान नगरपालिका– ३ स्थित ठाडी चोकबाट नियन्त्रणमा लिइएको हो। बिहीबार राति करिब १० बजे शंकास्पद अवस्थामा भेटिएका तामाङलाई चेकजाँच गर्दा फेनारगन ५० एम्पुल, नुफिन ५२ एम्पुल, डाइजिल्याब ६० एम्पुल, नाइट्रोजन ७५ चक्की लगायतका लागुऔषध बरामद भएको जिल्ला प्रहरी कार्यालय सिरहाले जनाएको छ। तामाङलाई लागुऔषध मुद्दा अन्तर्गत आवश्यक कारबाही सुरु गरिएको …

झापा । झापाको झापा गाउँपालिका-४ स्थित किराना पसलमा आगलागी हुँदा करिब १५ लाख मूल्य बराबरको क्षति भएको छ। बिहीबार राति करिब १२ बजे राजेश गणेशको किराना पसलमा आगलागी भएको हो। आगलागीमा किराना सामान, फर्निचर र नगद १० हजारगरी १५ लाख बराबरको क्षति भएको इलाका प्रहरी कार्यालय कुमरखोदले जनाएको छ। प्रहरी र स्थानीयवासीको सहयोगमा आगो नियन्त्रणमा आएको र आगलागीको कारण नखुलेको प्रहरीले जनाएको छ।

काठमाण्डौ । चोभारमा ट्याङ्कर र मोटरसाइकल ठोक्किएर ट्याङ्कर पल्टिँदा सहचालकको ज्यान गएको छ । बिहीबार बेलुकी बा १ ख ८९२४ नम्बरको ट्याङकर र बा २७ प ४२४७ नम्बरको मोटरसाइकल ठोक्किँदा ट्याङकर सहचालक सिन्धुपाल्चोक चौतारा घर भई ललितपुरको सानेपा बस्दै आएका १७ वर्षका सन्देश गिरीको ज्यान गएको प्रहरीले जनाएको छ । मोटरसाइकलसँग ठोक्किएपछि ट्याङकर सडकबाट झण्डै १ सय ५० मिटर तल खसेको थियो । घाइते मोटरसाइकल चालक टौदहका अजित महर्जनको स्टार …

ओखलढुंगा । ओखलढुंगाको लिखु गाउँ पालिका– ३ डुडे गैरोमा रातोमाटो खन्ने क्रममा एक जनाको मृत्यु भएको छ। माटो खन्ने क्रममा  ढिस्कोले पुरिदा  आमा लिखु गाउँ पालिका–४ कि ६० वर्षिया सेती माया लुङ्गेलिको घटना स्थलमै मृत्यु भएको र सख्त घाइते भएकि १८ वर्षिया सननिमाया लुङ्गेलिलाई उपचारका लागि काठमाडौ पठाएको लिखु गाउँपालिका– ५ का वडाध्यक्ष गोपाल भट्टराईले जानकारी दिए।

काठमाडाैँ ।सरकारले पब्जी खेलमा प्रतिबन्ध लगाएको छ । नेपाल दूरसञ्चार प्राधिकरणले  आजदेखि पब्जीखेलमा प्रतिबन्ध लगाएको हो ।नेपाल प्रहरीको केन्द्रीय अनुसन्‍धान ब्यूरो  (सिआइबी) को  आग्रहमा प्राधिकरणले पब्जीमाथि प्रतिबन्ध लगाउने निर्णय गरेको हो। पब्जीका कारण विभिन्न खालका समस्या बढेको गुनासो आएपछि प्रतिबन्ध लगाइएको हो। पब्जी इन्टरनेटमा खेलिने भिडियो खेल हो ।

काठमाडौं । लुम्बिनी जनरल इन्स्योरेन्सले विभिन्न पदमा दर्खास्त आह्वान गरेको छ । थप जानकारीको लागि तलको सूचना हेर्नुहोस् ।

गुल्मी । गुल्मीको मुसिकाेट नगरपालिका १ मा जीप दुर्घटना हुँदा पूर्वसांसद सहित दुईजनाकाे मृत्यु भएकाे छ । मालिका गाँउपालिकाकाे दर्लिङबाट बुटबलका लागि छुटेकाे लु १ ज १९५७ नम्बरकाे जीप बिहान ९ बजे दुर्घटनामा परेकाे हाे । दुर्घटनामा परि गुल्मीका पूर्व सासंद समेत रहेका धुर्काेट गाँउपालिका ५ वस्तु निवासी रूद्रमणी शर्मा भण्डारी र मालिका गाँउपालिका १ का ओसार विककाे ज्यान गएकाे जिल्ला प्रहरी कार्यालय गुल्मीका सुचना अधिकारी रविन्द्र खड्काले जानकारी दिए …

काठमाडाैँ ।  छोरी बलात्कार गरी फरार भएका चितवनका एक व्यक्ति पक्राउ परेका छन्। उनलाई नुवाकोटमा लुकिछीपी बसेको अवस्थाबाट नियन्त्रणमा लिइएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक दुर्गाराज रेग्मीले जानकारी दिए।  उनिविरुद्ध १५ वर्षीय छोरीले गत सोमबार जवरजस्ती करणीको किटानी जाहेरी दिएकी थिइन्। जिल्ला प्रहरी कार्यालयमा पीडितले उजुरी गर्नुअघिनै ती व्यक्ति फरार भएका थिए। प्रहरीका अनुसार ती बाबुले छोरीलाई ३/४ महिनादेखि पटकपटक बलात्कार गर्दै आएको किटानीमा उल्लेख छ। स्थानीयले …

काठमाडाैँ । गुल्मीको मुसीकोट नगरपालिका वडा नम्बर १ नेटा चिहानडाँडामा १० जना सवार जीप दुर्घटना भएको छ । बिहिबार बिहान मालिका गाउँपालिकाको दर्लिङबाट बुटवलका लागि हिँडेको लु १ ज १९५७ नम्बरको जिप सडकदेखि १०० मिटर तल खसेको हो । दुर्घटनाको विवरण आउन बाँकी नै भएको जिल्ला प्रहरी कार्यालय गुल्मीले बताएको छ ।  

काठमाण्डौ । ललितपुरको थसिखेलमा भ्यानको ठक्करबाट पैदल यात्रुको ज्यान गएको छ । बुधबार बेलुकी हिँडिरहेका तनहुँको ढोरफेदी गाउँपालिका–७ का ढोलाराज रेग्मीलाई बा १३ च ४१०५ नम्बरको भ्यानले ठक्कर दिँदा ज्यान गएको महानगरीय ट्राफिक प्रहरी कार्यालयले जनाएको छ । भ्यानको ठक्करबाट घाइते रेग्मीलाई उपचारको लागि अस्पताल लैजाँदै गर्दा बाटोमै ज्यान गएको हो ।