कुलमान घिसिङको चेतावनी- १५ दिनभित्र बिल नतिरे फेरि लाइन काट्छु

[horoscope in nepal, news from nepal, newsdainik, dainiknews]

काठमाडौं । नेपाल विद्युत प्राधिकरणका प्रबन्ध निर्देशक कुलमान घिसिङले प्राधिकरणलाई नेपाल सरकारको निर्णय पालन गर्न कानूनी रुपमा बाध्य भएको बताएका छन्। बुधबार आयोजित पत्रकार सम्मेलनमा बोल्दै उनले सरकारले लिएको निर्णयलाई पालना गर्नु प्राधिकरणको जिम्मेवारी भएको स्पष्ट पारे ।

उनले विशेष जोड दिँदै भने, ‘सरकारको निर्णय पालना गर्नैपर्छ ।’ यस सन्दर्भमा, विद्युत लाइन काटिएका उद्योगहरूको लागि लाइन पुनःजोड्ने निर्देशन दिइएकोमा पनि उनले सरकारको निर्णय पालनाको आवश्यकता औंल्याए ।

घिसिङका अनुसार सरकारले १५ दिनभित्र बक्यौता उठाउनुपर्ने निर्णय गरेको छ । उनले भने, ‘हामी १५ दिनभित्र बक्यौता उठाउनेछौं । यदि सो अवधिभित्र बक्यौता नउठेमा, हामी पुनः कानूनी प्रक्रियामा अगाडि बढ्नेछौं ।’

उनले थपे, ‘यदि उद्योगहरूले १५ दिनभित्र बक्यौता नतिरेमा, ऊर्जा मन्त्रालय र सरकार आफैंले पनि बक्यौता उठाउने पहल गर्नुपर्नेछ ।’