राजेशपायल राईको स्वरमा ‘जानु ए जानु’

काठमाडौं । राजेशपायल राईको स्वरमा रहेको गीत ‘जानु ए जानु’ सार्वजनिक भएको छ । विनोद पछाईको संगीत, जानुका ढकालको शब्द, महाराज थापाको एरेन्ज र मीन विष्टको मिक्सिङ तथा मास्टरिङ रहेको गीतको भिडियो सार्वजनिक भएको हो ।

निसान घिमिरेको सम्पादन तथा निर्देशन रहेको भिडियोमा आभा थापा र बद्रीप्रसाद तिवारी फिचर्ड हुनुहुन्छ । नवनारी इन्टरटेन्मेन्टको प्रस्तुति रहेको भिडियोमा आभा र बद्रीलाई रोमान्टिक भावमा देखाइएको छ । राजीव समरको कोरियोग्राफी रहेको भिडियोमा उत्तम हुमागाईंको छायांकन र सुवास तिमिल्सिनाको मेकअप छ ।