ब्राजिलमा समुन्द्री आँधीका कारण २२ जनाको मृत्यु

एजेन्सी । ब्राजिलको दक्षिणी क्षेत्रमा शक्तिशाली चक्रवात (समुद्री आँधी) का कारण भीषण वर्षा र बाढी आउँदा २२ जनाको मृत्यु भएको छ । सयौं मानिस विस्थापित भएका छन् । मंगलबार तटीय क्षेत्रमा ठोक्किएको उक्त आँधीका कारण देशको दक्षिणी राज्य रियो ग्रयाण्ड डो सुल सबैभन्दा बढी प्रभावित भएको छ ।

उक्त राज्यमा मात्र २१ जनाले ज्यान गुमाएका छन् । बाढीको पानी घट्दै जाने क्रममा थप शवहरु प्राप्त हुन सक्ने अधिकारीहरुले बताएका छन् । गर्भनर एडुआर्डो लेटेले राज्यका करिब ६० वटा सहर आँधी र बाढीले प्रभावित भएको बताएका छन् । यस्तै छिमेकी राज्य सान्टा क्याटारिनामा थप एक जनाले ज्यान गुमाएको रोयटर्सले जनाएको छ ।

यो आँधी जलवायु परिवर्तनका कारण भएको विज्ञको भनाइ छ । गत जुनमा दक्षिणी ब्राजिलमा आएको समुद्री आँधीका कारण १३ जनाले ज्यान गुमाएका थिए । हजारौं विस्थापित भएका थिए । यस्तै गत फेबु्रअरीमा मुसलधारे वर्षा, बाढी र पहिरोमा साउ पाउलो राज्यमा ६५ जनाले ज्यान गुमाएका थिए ।

बारेमा News desk

यॊ पनि हेर्नुहॊस

सिटी एक्सप्रेस मनी ट्रान्सफर र यूएईको अल्जजिराबीच रेमिट्यान्ससम्बन्धी सम्झौता

काठमाडौं । यूएईको ख्यातिप्राप्त अल्जजिरा एक्सचेन्ज र सिटी एक्सप्रेस मनी ट्रान्सफरबीच रेमिट्यान्स कारोबार सुरु भएको …

प्रतिकृया दिनुहॊस