काठमाडौं । साझा यातायात प्रा. लि. ले मंगलबारदेखि राजधानीमा विद्युतीय बस सेवा शुरु गरेको छ । ललितपुरको पुलचोकस्थित साझाको कार्यालयमा मंगलबार आयोजित एक कार्यक्रमबीच प्रधानमन्त्री केपी शर्मा ओलीले सो बस सेवाको उद्घाटन गरेका हुन् । बिजुली बस नाम दिइएको उक्त बस सेवाको उद्घाटन पश्चात पुल्चोकबाट सिंहदरबारसम्म प्रधानमन्त्रीले उक्त विद्युतीय बस चढेर यात्रा समेत गरे । काठमाडौं उपत्यकाभित्र पाँच ओटा बिजुली बसबाट सेवा सञ्चालन गरिने साझा यातायातले जानकारी गराएको छ । …

काठमाडौं । उपप्रधानमन्त्री एवं रक्षामन्त्री ईश्वर पोखरेल चीनको बेइजिङमा प्रस्थान गरेका छन् । उपप्रधानमन्त्री पोखरेल अन्तर्राष्ट्रिय सैन्य सम्मेलनमा भाग लिन आज त्यसतर्फ प्रस्थान गरेका हुन् । चीनका रक्षामन्त्री वेइ फेङहेको निमन्त्रणमा आठौं बेइजिङ सियाङग्स्ट्यान फोरममा भाग लिन र साताव्यापी चीन भ्रमणका लागि उनी त्यसतर्फ प्रस्थान गरेका हुन् । विश्वका करीब एक सय मुलुकको प्रतिनिधित्व हुने सम्मेलनमा १५ मुलुकका रक्षामन्त्री र ४० मुलुकका सेना प्रमुखको उपस्थिति हुनेछ । रक्षामन्त्रीमा नियुक्तपछि पोखरेलको …

काठमाडौं । बौद्धबाट मात्रै दशैंभरी जुवातास खेलिरहेका ४५ जना पक्राउ परेका छन् । उनीहरूको साथबाट प्रहरीले तीन लाख भन्दा बढी नगद रुपैयाँ समेत बरामद गरेको महानगरीय प्रहरी वृत्त बौद्धले जनाएको छ । दशैंअघि महानगरीय प्रहरी परिसरले बौद्ध नजिकै मुलपानीबाट समेत २० जना भन्दा बढी जुवाडेलाई पक्राउ गरेको थियो । प्रहरी पुगेपछि भाग्ने क्रममा दुई जनाको मृत्यु समेत भएको थियो ।

काठमाडौंः आज सुनचाँदीको मूल्य स्थिर रहेको छ । सोमबार प्रतितोला ६० हजार रुपैयाँ रहेको सुन मंगलबार पनि सोही मूल्यमै कारोबार भएको नेपाल सुनचाँदी व्यवसायी महासंघले जनाएको छ । त्यस्तै तेजाबी सुनको मूल्य प्रतितोला ५९ हजार ७ सय रुपैयाँ रहेको छ । यस्तै चाँदी प्रतितोला ७४५ रुपैयाँमा कारोबार भईरहेको महासंघले जनाएको छ । जुन अघिल्लो कारोबारकै मूल्य हो ।

काठमाडौं । नेपाल बैंक लिमिटेडले ३ प्रवन्धक र ७ उप प्रवन्धक गरी कूल १० जना करार सेवाका लागि आवेदन खुला गरेको छ । थप जानकारीका लागि तलको सूचना हेर्नुहोस् ।

काठमाडौं । नेपाल राष्ट्र बैंकले तोकेको दरमा वाणिज्य बैंकहरुले भने केही रकम तलमाथि गरेर मूल्य तोक्न सक्नेछन् । नेपाल राष्ट्र बैंकले आज तोकेको विनिमय दर यस प्रकार छ ।

काठमाडौं । नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले पदबाट दिएको राजीनामा तीन महिनापछि अस्वीकृत भएको छ । नेकपा केन्द्रीय सचिवालयको सोमबार बसेको बैठकले प्रवक्ताबाट श्रेष्ठले दिएको राजीनामा अस्वीकृत गरेको हो । डा.गोविन्द केसीको अनसन प्रकरण र त्यसपछि अध्यक्षद्वय केपी शर्मा ओली र प्रचण्डले गरेका कतिपय निर्णयमा नीतिगत असहमति जनाउँदै श्रेष्ठले यसअघि सचिवालय समक्ष राजीनामा दिएका थिए । श्रेष्ठले गएको साउन ७ गते प्रवक्ता पदबाट राजीनामा दिएका थिए ।

कपिलवस्तु । कपिलवस्तु जिल्लाको कृष्णनगरमा सोमबार साँझ ५ बजेदेखि फेरि कर्फ्यू लगाइएको छ । जिल्ला प्रशासन कार्यालयले सूचना प्रकाशित गरी मंगलबार विहान ६ बजेसम्मका लागि कर्फ्यू लगाएको हो । रातको समयमा सुरक्षा संवेदनशीलता बढी अपनाउनु पर्ने भएकाले कर्फ्यु लगाउनु परेको कपिलवस्तु प्रशासनले बताएको छ । जिल्ला सुरक्षा समितिको बैठकले सोमबार बिहान ८ बजेदेखि मध्याह्न १२ बजेसम्मलाई हटाएको कर्फ्यू पुनः साँझ ५ बजेसम्मका लागि हटाइएको थियो । पूर्वमा सेमरा गाउँ, पश्चिममा …

कञ्चनपुर । कञ्चनपुरको शुक्लाफाँटा नगरपालिका–७ कालापानीमा रहेको वातावरण मध्यवर्ती सामुदायिक वनले आम्दानी भएको रकम सामाजिक क्षेत्रमा खर्च गर्ने गरेको छ । सामुदायिक वनले काठ, दाउरा, ढुङ्गा, ग्राभेल, बाँस बिक्री गरेर आउने रकम खर्चेर सामाजिक क्षेत्रमा लगानी गर्ने गरेको हो । सामुदायिक वनले आम्दानीको रकम सडकमा ग्राभेल राख्न, मन्दिर निर्माण गर्न, विद्यालयको भौतिक पूर्वाधार विकास गर्न र विपन्न अवस्थाका उपभोक्ताको आर्थिक अवस्थामा सुधार ल्याउनका लागि खर्च गरेको सामुदायिक वनका अध्यक्ष पुष्करबहादुर …

क्यानडा । क्यानडाको पश्चिमी तटीय क्षेत्रमा भूकम्पका चार वटा झट्का मापन गरिएको छ । आइतबार अबेर राति ४.९ म्याग्निच्यूडदेखि ६.८ सम्मका चारवटा भूकम्पका धक्का महसुस गरिएको अमेरिकी भौगर्भिक केन्द्रले जनाएको छ । पहिलो ६.६ म्याग्निच्यूडको भूकम्प स्थानीय समय अनुसार १० बजेर ३९ मिनेटमा, दोस्रो ६.८ म्याग्निच्यूडको भूकम्प एक घण्टापछि अर्थात ११ बजेर १६ मिनेटमा, त्यसको ६ मिनेटपछि ६.५ म्याग्निच्यूडको भूकम्प र अन्तिमपटक ४.९ रेक्टरको भूकम्प गएको केन्द्रले जनाएको छ । …