भरतपुरमा रेनु दाहालले गरिन् लिड

काठमाडौँ । चितवनको भरतपुर महानगरपालिकाको मेयरमा सत्ता गठबन्धनबाट माओवादी केन्द्रकी उम्मेदवार रेनु दाहाल र एमाले-राप्रपाका साझा उम्मेदवार विजय सुवेदीबीच कडा प्रतिस्पर्धा देखिएको छ ।

केही बेरअघिसम्म अगाडि रहेका सुवेदी अहिले पछि पारेका छन् । उनी दाहालभन्दा ३ मतले पछि छन् । त्यहाँ १० हजार २०६ गन्दा दाहालले ३ हजार ५७८ मतसहित अग्रता लिएकी हुन् भने सुवेदीले ३ हजार ५७५ मत पाएका छन् । गठबन्धनको बागी उम्मेदवार जगन्नाथ पौडेलले १३६० मत पाएका छन् ।

उपमेयरमा गठबन्धनबाट नेपाली कांग्रेसका चित्रसेन अधिकारीले ४०४३ मत पाएका छन् भने एमाले राप्रपाबाट राप्रपाकी उम्मेदवार हिमला २८१६ मत पाएकी छिन् ।