मैदान प्रवेश प्रयासमा भएको दुर्घटनामा ६ जनाको मृत्यु

अधिकारीका अनुसार मृत्यु र घाइतेको सङ्ख्या थप बढ्न सक्ने छ । सार्वजनिक भएको एक भिडियो फुटेजमा राजधानी योउन्डको नजिक रहेको पाउल विया स्टेडियममा समर्थक र दर्शकहरू मैदान प्रवेशका लागि ठेलमठेल र संघर्ष गरिरहेको देखिन्छ ।

घाइते हुनेहरूमा ठुलो सङ्ख्यामा रहेका बच्चाहरू समेत छन् । उनीहरू बेहोस बनेको जनाइएको छ । स्टेडियमको क्षमता ६० हजार भएपनि कोभिडका कारण ८० प्रतिशत समर्थकलाई मैदान प्रवेशको अनुमति रहेको थियो । खेल अधिकारीहरूका अनुसार करिब ५० हजार समर्थकहरू मैदान प्रवेशको प्रयासमा संघर्ष गरिरहेका थिए ।