बिहीबार सुनको मूल्य कति पुग्यो ?

काठमाडौँ । बिहीबार सुनको मूल्य बढेको छ भने चाँदीको मूल्य स्थिर रहेको छ । नेपाल सुनचाँदी व्यवसायी महासंघका अनुसार आज छापावाला सुन प्रतितोला २ सयले बढेर ९४ हजार ५ सयमा कारोबार भइरहेको छ ।

यसअघि सोमबार छापावाला सुन तोलाको ९४ हजार ३ सयमा कारोबार भएको थियो । त्यस्तै आज तेजाबी सुनको मूल्य प्रतितोला ९४ हजार रहेको छ ।

त्यसैगरी बिहीबार चाँदीको मूल्य भने स्थिर रहँदै प्रतितोला १२८० मा कारोबार भइरहेको महासंघले जनाएको छ ।