सौराहाका रेष्टुरेन्टका सामान सुरक्षित स्थानमा सार्दै

चितवन । चितवनको पर्यटकीय केन्द्र सौराहाको राप्ती किनार नजिकका रेष्टुरेन्टहरु सम्भावित बाढीको डरले सुरक्षित स्थानमा सार्न थालिएको छ ।

हिजोदेखिको निरन्तरको वर्षाले राप्तीको बहाब बढ्दै गएपछि सौराहा पव क्षेत्रका व्यवसायीहरुले सामानहरु सुरक्षित स्थानमा सार्न थालेका हुन् ।

क्षेत्रीय होटल संघ सौराहा नेपालमा अध्यक्ष सुमन घिमिरले नदी किनाराका रेष्टुरेन्टका सामान सारिएको बताए ।

गएको बर्ष साउनको अन्तिममा आएको बाढीले सौराहामा करोडौंको क्षति गरेको थियो ।

हेटौंडा र पूर्वी चितवनका विभिन्न खोलाहरुमा पानीको सतह बढेका कारण बाढीको खतरा सौराहामा बढी हुने गरेको छ ।