नेकपा प्रदेश कमिटी सदस्यको नाम टुंग्याउने जिम्मा दुई नेतालाई

काठमाडौं । नेपाल कम्युनिष्ट पार्टी (नेकपा) का सात प्रदेश कमिटी सदस्यको नामावली टुंगो लगाउन दुई नेतालाई जिम्मा दिने भएको छ ।

बिहीबार प्रधानमन्त्री निवास बालुवाटारमा बसेको नेकपा सचिवालय बैठकले प्रदेश कमिटीमा रहने सदस्यहरूको नामावली टुंगो लगाउने जिम्मा महासचिव विष्णु पौडेल र गृहमन्त्रीसमेत रहेका नेता रामबहादुर थापा बादललाई दिने भएको हो ।

पौडेल र थापा रहने उक्त कार्यदलले प्रदेश कमिटीमा रहने सदस्यहरु चयन गर्ने र त्यसलाई सचिवालय बैठकमा पेश गर्नेछ ।