उदयपुर । उदयपुरको बेलका नगरपालिका-३ भोटेपुल नजिक कल्भडमा आएको बाढीले बगाएर बेपत्ता भएका धरान उपमहानगरपालिका-५ का ३५ बर्षीय कर्ण बहादुर राईको शव फेला परेको छ ।
श्रावण १२ गते धरानबाट सब्जी खेति लगाउन बेलका नगरपालिका-३ सिसौली टप्पु गएका राई श्रावण १३ गते राती ८ बजे प्रदेश १-०२-००२ च ४००५ नम्बरको गाडीमा घर फर्कदै गर्दा उक्त कल्भडमा बाढी आएको देखि चालकलाई गाडी रोक्न लगाई गाडीबाट ओर्लेर बाटो नियाल्ने क्रममा अचानक बाढीले बगाउदा बेपत्ता भएका थिए ।
बेपत्ता भएका राईलाई खोजतलास गर्ने क्रममा आज बगाएको स्थान भन्दा करिव ५०० मिटर दक्षिणमा मृत अवस्थामा फेला पारेको प्रहरीले जनाएको छ ।
प्रतिकृया दिनुहॊस