थप ४८२ जनामा कोरोना पुष्टि, संक्रमितको संख्या १४ हजार नाघ्यो

काठमाडौं । नेपालमा आज थप ४८२ जनामा कोरोना भाइरसको संक्रमण पुष्टि भएको छ । स्वास्थ्य मन्त्रालयका अनुसार आज बुधबार थप ४८२ जनामा कोरोना पुष्टि भएको हो ।

योसँगै नेपालमा कोरोना भाइरस संक्रमितको संख्या १४ हजार ४६  जना पुगेको छ भने हालसम्म मृत्यु हुनेको संख्या ३० जना पुगेको छ ।

त्यसैगरि, हालसम्म कोरोना संक्रमितमध्ये ४ हजार ६ सय ५६ जना उपचारपछि निको भएर घर फर्किएका छन् ।