अझैँ ३ दिन देशभर हावाहुरीसहित पानी पर्ने सम्भावना

काठमाडौं । अझैँ ३ दिन देशका अधिकांश ठाँउमा मेघ गर्जन, हावाहुरीसहित वर्षा हुने सम्भावना रहेकाे  जल तथा मौसम पूर्वानुमान महाशाखाले जनाएको छ ।

मंगलबार दिउँसो देशभरि आंशिक देखि सामान्य बदलि रही केहि स्थानहरुमा मेघ गर्जन, हावाहुरी सहित वर्षाको सम्भावना रहेको जल तथा मौसम पूर्वानुमान महाशाखाले जनाएको छ । यस्तै केही स्थानमा दिउँसोतिर हावाहुरी चल्न सक्नेछ । उच्च पहाडी र हिमाली क्षेत्रहरूमा हल्का हिमपातको सम्भावना पनि रहेको मौसमविदले बताएका छन् ।

त्यस्तै, बुधबार देशभरि आंशिकदेखि सामान्य बदलि रहनेछ भने पश्चिमका थोरै स्थानहरुमा र मध्य र पूर्वका केहि स्थानहरुमा मेघ गर्जन सहित वर्षाको सम्भावना रहेको छ। उच्च हिमाली भूभागहरुमा हल्का देखि मध्यम  हिमपातको संभावनासमेत रहेकाे महाशाखाले जनाएकाे छ ।

विहीबार देशभरि नै आंशिक देखि सामान्य बदलि रही पश्चिम र मध्य पहाडीका  थोरै स्थानहरुमा  र पूर्वका केहि स्थानहरुमा मेघ गर्जनसहित  वर्षा हुने र राति पनि माैसम त्यस्तै किसिमकाे रहने छ ।

यॊ पनि हेर्नुहॊस

असुरक्षित गर्भपतन गराउँदा युवतीको मृत्यु

काठमाडौं ।  असुरक्षित गर्भपतन गराउँदा पर्सामा एक अविवाहित  युवतीको मृत्यु भएको छ । मृत्यु हुनेमा …

प्रतिकृया दिनुहॊस