आम निर्वाचनको दिन कहाँको मौसम कस्तो ?

काठमाडौँ । नेपालमा अहिले पश्चिमी वायुको सामान्य प्रभाव रहेको मौसम पूर्वानुमान महाशाखाले जनाएको छ । जसको प्रभावले आज प्रदेश-१ र गण्डकी प्रदेशका पहाडी भू-भागमा आंशिक बदली रही बाँकी भू-भागमा मौसम सामान्यतः सफा रहेको छ ।

आज दिउँसो प्रदेश-१ र गण्डकी प्रदेशका हिमाली भू-भागका एक-दुई स्थानमा हल्का हिमपातको सम्भावना रहेको छ । अन्यत्र मौसम सामान्यतः सफा रहने छ । आज आम निर्वाचन । आज बिहान ७ बजेदेखि साँझ ५ बजेसम्म मतदान हुँदैछ ।

मौसम पूर्वानुमान महाशाखाले हिमाली भेगमा सामान्य हिमपात भए पनि निर्वाचनमा असर पर्ने खालको कुनै मौसमी प्रणाली नरहेको जनाएको छ ।