आइसिटी अवार्ड २०२२ मा उत्कृष्ट १२ स्टार्टअप, प्रडक्ट र इन्नोभेसनको घोषणा

काठमाडौं । प्रविधि क्षेत्रको प्रतिष्ठित कार्यक्रम ‘आइसिटी अवार्ड २०२२’ मा उत्कृष्ट १२ स्टार्टअप, प्रडक्ट र प्रोजेक्टको घोषणा गरिएको छ। उक्त अवार्ड अन्तर्गत स्टार्टअप आइसिटी अवार्ड, प्रडक्ट आइसिटी अवार्ड र राइजिब स्टार आइसिटी अवार्ड गरी तीन विधाका उत्कृष्ट १२ घोषणा गरिएको हो।

सूचना तथा सञ्चार प्रविधि क्षेत्रको प्रतिष्ठित अवार्डका रूपमा परिचित आइसिटी अवार्डको स्टार्टअप विधामा ४५ ओटा डिजिटल स्टार्टअप, प्रडक्ट विधामा ३६ आइसिटी प्रडक्ट र राइजिब स्टार इन्नोभेसन विधामा ५२ वटा युवाहरुको इन्नोभेटिभ आइडियाले आवेदन दिएका थिए।

प्राप्त आवेदन मध्येबाट अवार्डको १३ जनाको जुरी समिति र १५ जनाको सल्लाहकार समितिले २ चरणको छनोटपश्चात उत्कृष्ट १२ को नाम छनोट गरेको आयोजक समितिका संयोजक राजन लम्सालले जानकारी दिए।

उत्कृष्ट १२ स्टार्टअपमा एरिया टेक्नोलोजी, बीआईसी टेक्नोलोजी, बिहे नेपाल, क्यूरा हेल्थ, ड्यानशन सोलुसन, डिजिटल लर्निब नेपाल, फ्रेस केटिएम एग्रो, कैंचो ग्रुप, मोनाल टेक, पिक एण्ड ड्रप, रेड टेल फक्स र रिंगेज टेक पर्न सफल भएका छन्।

उत्कृष्ट १२ प्रडक्टमा बीडीएमएस प्रो, बिहे नेपाल, डिसिजन मेन्टर, डाइनो सीआरएम, फिनपस, गल्ली म्याप्स, लोन अटोमेसन सिस्टम (क्रेडिट एक्स माइक्रो), रिंगेज भ्वाइस ब्रोडकास्टिब स्कूल वर्क्स प्रो, स्मार्ट अफिस, टिग र भैरव ट्रिडेन्ट परेका छन्।

विद्यार्थीले बनाएका उत्कृष्ट १२ इन्नोभेसनमा आस्क म्याटरब, कमर्सिएलाइजेसन अफ अटोनोमस इगल आई अन म्यान्ड एरियल भेहिकल (युएभी), कारोबार एप, मेजरमी डट एआई, मेरो स्वास्थ्य, नयन, नेप्टु, पाइथन भ्वाइस असिस्टेन्ट, सारङ्ग, एसओएल बिन, टिस्क्यान र स्पष्ट नेपाली पर्न सफल भएका छन्।

उत्कृष्ट १२ मा पर्न सफल स्टार्टअप, प्रडक्ट राइजिब स्टार इन्नोभेसनले नोभेम्बर ५ मा प्रिजेन्टेशन तथा स्पिड डेटिब सेसनमा सहभागिता जनाउने छन्। सोही अवसरमा स्टार्टअप एण्ड आइडिया फेस्ट कार्यक्रम पनि आयोजना हुनेछ। उक्त प्रतिस्पर्धाबाट उत्कृष्ट ५ को छनोट गरिनेछ। उत्कृष्ट ५ ले पब्लिक भोटिब र जुरीको फिल्ड भिजिटसमेत सामना गर्नुपर्ने बताइएको छ।

यसैगरी अन्य ९ विधामा अवार्डको छनोट प्रकृया जारी छ। पायोनियर आइसिटी अवार्ड, आन्टरप्रेनर आइसिटी अवार्ड, वुमन आइकन आइसिटी अवार्ड, नेपाली डायस्पोरा आइसिटी अवार्डको पहिलो चरणको छनोट प्रकृया सञ्चालनमा छ।

डिजिटल एजुकेशन आइसिटी अवार्ड पब्लिक सेक्टर र प्राइवेट सेक्टर, डिजिटल गर्भनेन्स र डिजिटल सर्भिसेस आइसिटी अवार्डको विधामा पनि छनोट प्रकृया सञ्चालन भइरहेको छ। यसैवर्ष सुरु भएको साउथ एसिया स्टार्टअप आइसिटी अवार्डको अनलाइन नोमिनेशन जारी छ। विभिन्न १२ विधामा गत साउन १ गतेदेखि अनलाइन नोमिनेसन खुला गरिएको थियो।

राष्ट्रिय तथा अन्तर्राष्ट्रिय संस्थाहरूको सहकार्यसहित आइसिटी अवार्ड २०२२ को ग्राण्ड फिनाले आगामी पुस ८ गते हुने बताइएको छ ।