धरान उपमहानगरपालिकामा स्वतन्त्र उम्मेदवार हर्कराज राई निर्वाचित भएका छन् । उनले २० हजार ८२१ मत ल्याएर विजयी भएका हुन् । उनका निकटतम प्रतिद्वन्द्वी नेपाली कांग्रेसका किशोर राईले १६ हजार ५९ मत प्राप्त गरे । त्यस्तै उपमेयरमा माओवादी केन्द्रका अइन्द्र बिक्रम बेघा विजयी भए। उनले २० हजार ५१० मत ल्याउँदा निकटतम प्रतिद्वन्द्वी नेकपा एमालेका पदम लिम्बूले १७ हजार ६०६ मत पाए ।

सप्तरीको रुपनी गाउँपालिकाको अध्यक्ष र उपाध्यक्षमा लोकतान्त्रिक समाजवादी पार्टी (लोसपा) विजय भएको छ। अध्यक्षमा दिनेशकुमार यादव र उपाध्यक्षमा पुष्पाकुमारी श्रेष्ठ निर्वाचित भएका हुन् । यादवले ४ हजार २६९ मत प्राप्त गरि निर्वाचित हुँदा जनता समाजवादी पार्टी (जसपा) का हरेराम यादवले ३ हजार ८३५ मत प्राप्त गरे। हरेराम निवर्तमान अध्यक्षसमेत हुन्। उपाध्यक्षमा निर्वाचित लोसपाकी श्रेष्ठले ३ हजार ७१० मत प्राप्त गर्दा जनता समाजवादी पार्टी (जसपा) की बेचनीदेवी सरदारले ३ हजार ६५४ …

जापानको इबाराकी प्रान्तमा ५.८ म्याग्निच्युडको भूकम्प गएको समाचारमा जनाइएको छ। जापानको मेटेरियोलोजिकल विभागले जनाएअनुसार यहाँ सुनामीको खतरा भने देखिएको छैन। यहाँ आइतबार दिउँसो ५.८ म्याग्निच्युडको भूकम्प आएको र यसबाट सुनामीको खतरा नदेखिएको सूचना जारी गरिएको समाचारमा जनाइएको छ। उक्त भूकम्पबाट भएको क्षतिको बारेमा अहिले नै सूचना आएको छैन । अधिकारीहरुले सो क्षेत्रमा उद्धारकर्ताहरु खटिरहेको जनाएका छन् ।

पछिल्लो २४ घण्टामा थप ६ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार देशभर २ हजार २२६ नमूना परीक्षण गर्दा ६ जनामा कोरोना संक्रमण पुष्टि भएको हो । सो अवधिमा संक्रमणबाट कसैको पनि मृत्यु भएको छैन। यही अवधिमा १३ जना संक्रमणमुक्त भएका छन् भने हाल देशभर १४१ जना सक्रिय संक्रमित रहेका छन्। पछिल्लो समय काेरोनाविरुद्धको खोप लगाउनेको संख्या १७ हजार ३०२ रहेको छ ।

काठमाडौंको मेयर उम्मेदवारमा स्वतन्त्र उम्मेदवार बालेन साह जिततर्फ लम्किरहँदा वडाध्यक्षको प्रतिस्पर्धामा भने कांग्रेस र एमालेको कडा टक्कर परिरहेको छ। पछिल्लाे मत परिणाम अनुसार काठमाडौं महानगरको १५ वटा वडाहरुको मतगणना सम्पन्न हुँदासम्म नेपाली कांगेसले ८ वटा र नेकपा एमालेले ७ वटा वडामा जित हात पारेका छन् । जसमध्ये वडा नम्बर ६, ७, ८, २४, २७, २८, २९ र ३० कांग्रेसको पोल्टामा परेको छ भने वडा नम्बर १, २, ३, ४, ५, …

भरतपुर महानगरपालिकामा हालसम्म १९ वडाको मतगणना सकिएको छ। अहिले २० र २१ को गणना भइरहेको छ। भरतपुर महानगरमा २९ वडा छन् । १९ वडाको मतगणना सकिँदा मेयरकी उम्मेदवार माओवादी केन्द्रकी रेनु दाहालले ३७ हजार २७ मत ल्याएकी छन् । पाँचदलीय गठबन्धनकोतर्फबाट उमेदवार बनेकी रेनु दाहाल मेयरका अर्का उमेदवार एमालेका विजय सुवेदी भन्दा ८ हजार ५९ मतान्तरले अगाडि छन् । सुवेदीले २८ हजार ९६८ मत प्राप्त गरेका छन् । दाहालले लगातार …

पोखरा महानगरपालिकामा गठबन्धनबाट एकीकृत समाजवादीका प्रमुख उम्मेदवार धनराज आचार्यको मत ४१ हजार कटेको छ। आइतबार विहानको मतपरिणाम अनुसार आचार्यको मत ४१ हजार ७ सय ५ रहेको छ। उनलाई पच्छ्याइरहेका नेकपा एमालेका उम्मेदवार कृष्णबहादुर थापाको ३८ हजार ३ सय १० मत छ। आचार्यले सुरुबाटै अग्रता लिएका हुन्। महानगरको उपप्रमुख पदमा नेकपा एमालेकी मन्जुदेवी गुरुङको अग्रता छ । गुरुङको मत ४३ हजार ६ सय १६ पुग्दा कांग्रेसकी कोपिला रानाभाटको ४१ हजार ९ …

काभ्रेको पाँचखाल नगरपालिकामा गठबन्धनका उम्मेदवार नेपाली कांग्रेसका महेश खरेलले अग्रता लिएका छन् । वडा नं १० सम्म सम्पन्न मतगणना परिणामअनुसार उनले ११ हजार १५६ मत प्राप्त गरेका छन् भने नेकपा (एमाले)का कञ्चन अधिकारीले ७ हजार ७८ मत प्राप्त गरेका छन्। त्यस्तै उपप्रमुखमा नेकपा (माओवादी केन्द्र)का चेतप्रसाद गौतमले ७ हजार ८८८ मत प्राप्त गरेका छन् भने एमालेका सूर्यमाया दनुवारले ८ हजार १४७ मत प्राप्त गरेकी छिन् । यस अघि यहाँ गाैतमले …

प्रधानमन्त्री शेरबहादुर देउवासँग संयुक्त राज्य अमेरिकाका नागरिक सुरक्षा, लोकतन्त्र र मानवअधिकार उपविदेशमन्त्री उज्रा जिया नेतृत्वको प्रतिनिधिमण्डलले शिष्टाचार भेटवार्ता गरेको छ। प्रधानमन्त्री निवास बालुवाटारमा आज भएको भेटवार्तामा उनीहरुबीच नेपाल–अमेरिका सम्बन्ध र आपसी हितका विविध विषयमा छलफल भएको परराष्ट्र मन्त्रालयले जनाएको छ। प्रधानमन्त्री देउवाले अमेरिकी प्रतिनिधिमण्डललाई स्वागत गर्न पाउँदा खुसी लागेको उल्लेख गरेका छन्। तिब्बत मामिलाका लागि अमेरिकी विशेष संयोजकसमेत रहेकी उनी तीन दिने नेपाल भ्रमणका क्रममा शुक्रबार काठमाडाैं आइपुगेकी हुन् ।

नेकपा (माओवादी केन्द्र) ले १२० पालिकाको प्रमुख तथा अध्यक्ष जितेको छ। मतगणना सम्पन्न भएका ७०५ पालिकामध्ये १२० पालिकामा माओवादीले जित निकालेको हो। मतगणना सम्पन्न भएका पालिकामा नेपाली कांग्रेस र नेकपा एमालेपछि सबैभन्दा बढीमा माओवादीका उम्मेदवारले जितेका छन्। निर्वाचन आयोगका अनुसार हालसम्म मतगणना सम्पन्न भएका स्थानमा कांग्रेसले ३११ र एमालेले १९० पालिकाको प्रमुख तथा अध्यक्ष जितेका छन्। हाल मतगणना भइरहेका पालिकामध्ये दुई वटामा माओवादीका उम्मेदवारले अग्रता लिइरहेका छन्। आयोगले गत वैशाख …