साउदी अरेबियाको सात्वना जित

काठमाडौं । रसियामा जारी विश्वकपमा साउदी अरबले इजिप्टमाथि हराएको छ । हिजो भएको खेलमा साउदी अरबले इजिप्टलाई २–१ ले हराएको हो ।

इजिप्टका लागि सलाहले २२औं मिनेटमा गोल गर्दै टिमलाई अग्रता दिलाए पनि मध्यान्तरअघिको इन्जुरी समयमा साउदी अरबका सलमान अल फराजले गोल गर्दै इजिप्टलाई बराबरीमा रोकेका थिए । इन्जुरी समयमा साउदी अरबका सलेम अल दवसारीले १ गोल थप्दै साउदीले २–१ ले खेल जित्यो ।

समूह चरणबाट बाहिरिई सकेका यी दुई प्रतिष्ठाका लागि खेलेका थिए । समूह ए मा उरुग्वे ९ अंक सहित समूह विजेता, रसिया ६ अंक सहित समूह उपविजेता बन्यो । त्यस्तै, साउदी अरेबियाले ३ अंक बटुल्न सफल रह्यो भने इजिप्ट अंकविहीन रह्यो ।