नेपाललाई ११ स्वर्ण,१ रजत र १ कास्य गरी १३ पदक

काठमाडौँ । १३ औँ दक्षिण एसियाली खेलकुद (साग) मा नेपालले अहिलेसम्म ११ स्वर्ण, १ रजत र १ कास्य गरी १३ पदक हात पार्न सफल भएको  छ।  नेपालले कराँतेमा ६, तेक्वान्दोमा चार र ट्रायथलनमा एक स्वर्ण जितेको हो।

नेपालका लागि सोमवार अपरान्ह कराँतेका विप्लवलाल प्रधान, लक्ष्मण तामाङ र कुसुम खड्का अनि तेक्वान्दोकी आयशा शाक्य र पार्वती गुरुङले स्वर्ण जितेका छन्। (साग) मा खेलाडी मण्डेकाजी श्रेष्ठले नेपाललाई पहिलो स्वर्ण पदक दिलाउन सफल भएका छन् ।

यस्तै, नेपालकी चञ्चला दनुवारले महिला एकल कातामा रजत पदक जित्न सफल भइन्। त्यस्तै, पुरुष ट्रायथलोनको पुरुषतर्फ भने नेपालका बसन्त थारुले कास्य पदक जितेका छन्।