चीन जोड्ने तातोपानी नाकाको सञ्चालन बैसाख १८ देखि

मेलम्ची।नेपाल–चीनबीचको प्रमुख व्यापारिक नाका तातोपानी भन्सार आगामी बैसाख १८ देखि सञ्चालनमा आउने भएको छ। विसं २०७२ को भूकम्पपछि तातोपानी नाका बन्द भएको थियोे।

तातोपानी नाका सञ्चालनका लागि यतिबेला सीमा क्षेत्रमा तीव्र गतिमा काम भइरहेको छ। आगामी बैसाखबाट नाका सञ्चालन हुन लागेको चिनियाँ उच्च स्रोतले जानकारी दिएको छ। नाका सञ्चालनका लागि बैसाखको पहिलो सातासम्म पूर्वाधारको काम सकिने चिनियाँ ठेकेदारले बताएको भोटेकोशी गाउँपालिकाका अध्यक्ष राजकुमार पौडेलले जानकारी दिए। उनले मितेरी पुलको पुनःनिर्माण पनि सुरु गरिएको बताए।

काठमाडौंबाट १ सय ११ किलोमिटर उत्तरपश्चिममा अवस्थित तातोपानीका बासिन्दा नाका बन्द भएपछि मारमा छन्। सडक विभागका अधिकारीका अनुसार चीनले आफ्नोतर्फको सडकलगायत भन्सार पूर्वाधारको निर्माणमा तीव्र गतिमा काम गरिरहेको छ।

चीनले विशेष महत्वका साथ नाका सञ्चालनका लागि काम गर्न थालेपछि नेपालतर्फको सडक मर्मतका लागि सडक विभागलाई सरकारले निर्देशन हो।