भारतीय नेता यचुरी काठमाडौंमा

काठमाडौं । भारतीय कम्युनिष्ट पार्टी (मार्क्सवादी) का महासचिव सीताराम यचुरी आज काठमाडौं आएका छन् ।

नेपाल कम्युनिस्ट पार्टी (नेकपा)ले आयोजना गर्ने चियापान कार्यक्रममा सहभागी हुन उनी बिहीबार बिहान काठमाडौं आएका हुन् ।

यचुरीलाई नेकपाका नेता कृष्णगोपाल श्रेष्ठ र विष्णु रिजालले त्रिभुवन अन्तर्राष्ट्रिय विमानस्थलमा स्वागत गरेका छन् ।

उनले राष्ट्रपति विद्यादेवी भण्डारी, प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल ‘प्रचण्ड’, वरिष्ठ नेता माधवकुमार नेपाल, महासचिव विष्णु पौडेल लगायतसँग भेट्ने कार्यक्रम रहेको छ ।

पुष्पलाल स्मृति प्रतिष्ठानद्वारा आयोजित विचार गोष्ठीलाई उनले सम्बोधन गर्ने नेकपाले जनाएको छ ।