काठमाडौं । साझा यातायात प्रा. लि. ले मंगलबारदेखि राजधानीमा विद्युतीय बस सेवा शुरु गरेको छ ।
ललितपुरको पुलचोकस्थित साझाको कार्यालयमा मंगलबार आयोजित एक कार्यक्रमबीच प्रधानमन्त्री केपी शर्मा ओलीले सो बस सेवाको उद्घाटन गरेका हुन् ।
बिजुली बस नाम दिइएको उक्त बस सेवाको उद्घाटन पश्चात पुल्चोकबाट सिंहदरबारसम्म प्रधानमन्त्रीले उक्त विद्युतीय बस चढेर यात्रा समेत गरे ।
काठमाडौं उपत्यकाभित्र पाँच ओटा बिजुली बसबाट सेवा सञ्चालन गरिने साझा यातायातले जानकारी गराएको छ । बिजुली बसमा चालकसहित २० सिटको क्षमता छ भने यो अपाङ्ग मैत्रीसमेत रहेको छ ।
तपाईंको प्रतिकृया
