मोडल मानुसीको हत्या

भारत । मुम्बईमा एक मोडलको हत्या भएको छ । हैदरबादकी २० वर्षीया मोडल मानसी दीक्षितको हत्या गरी लाशलाई सुटकेशमा हालेर झाडीमा फालिएको भारतीय प्रहरीले जनाएको छ ।
२० वर्षीया ती मोडल भर्खर चर्चामा आउन थालेकी थिइन् । मानसीले कयौं म्युजिक भिडियो तथा सर्ट फिल्महरुमा काम गरिसकेकी थिइन् । ग्ल्यामर क्षेत्रमा आफुलाई अब्बल सावित नगर्दै उनको हत्या भएको छ ।
मानसीको हत्या हैदरबादका २० वर्षीय युवक मुजम्मिल सैय्यादले गरेका हुन् । युवकले मुम्बईमा मध्यरातको समयमा सबै सुतिरहेको समयमा ती २० वर्षीया मोडल मानसीको शव ठेकान लगाएका थिए । यसरी मध्यरातमा शवलाई ठकान त लगाए तर उनी आफुलाई बचाउन सकेनन् । उनी सीधै प्रहरीको फन्दामा परे । तर अहिलेसम्म किन उनले ती मोडल साथीको हत्या गरे भन्ने विषयमा कुरा खोलेका छैनन् । आरोपित युवकका अनुसार उनिहरुको केहि दिन पहिले झगडा भएको थियो । प्रहरीले अझैं अनुसन्धान गरिरहेको छ । एजेन्सी