जिल्लास्तरीय खुल्ला फुटबलको उपाधि राकर्स फुल्टेक्रालाई

खजुरा । बाँकेको डुडुवा गाउँपालिकामा सञ्चालित जिल्लास्तरीय खुल्ला फुटबल प्रतियोगिताको उपाधि राकर्स फुल्टेक्राले जितेको छ ।
कम्दीको छग्रहवा खेल मैदानमा बिहीबार सम्पन्न फाइनलमा राकर्सले शहीद स्मारक राझालाई ०–१ ले हराएर उपाधि जितेको हो ।
प्रतियोगितामा विजेता राकर्सले रु ३५ हजार, दोस्रो हुने राँझाले रु १५ हजार र तेस्रो हुने नवदुर्गा युवा क्लब ‘ए’ ले रु पाँच हजार पुरस्कार पाएको छ ।
डुडुवा गाउँपालिकाको सहयोगमा नवदुर्गा युवा क्लब ‘बी’ले सो प्रतियोगिता आयोजना गरेको थियो ।