ट्याक्ट्रर पल्टिँदा एकको मृत्यु, एक घाइते

कलैया । कलैयामा ट्याक्ट्रर पल्टिँदा एकजनाको मृत्यु भएको छ । यस्तै एक जना घाइते भएका छन् ।
दशैँको अवसरमा चिउटाहामा लागेको मेला हेरेर फर्कदा ना ४ त ३५९१ नं.को ट्याक्ट्रर पल्टिँदा आदर्श गाउँपालिका–३ का १६ वर्षीय बदन मुखियाको घटनास्थलमा नै मृत्यु भएको जिल्ला प्रहरी कार्यालय बाराले जनाएको छ ।
यसैगरी ट्याक्ट्रर पल्टिँदा सोही ठाउँका कृष्णनन्दन घाइते भएको र उनको अवस्था चिन्ताजनक रहेको प्रहरीले जनाएको छ ।
तीव्रगतिका कारण ट्याक्ट्ररको दुर्घटना हुन सक्ने अनुमान प्रहरीको छ । घटनाबारे थप अनुसन्धान भइरहेको प्रहरीले जनाएको छ ।