सिम्रिक एयरको हेलिकप्टर दुर्घटनामा पाइलटसहित दुई गम्भीर घाइते

काठमाडौँ । सिम्रिक एयरको हेलिकोप्टर दुर्घटनामा पाइलटसहित २ जना गम्भीर घाइते भएका छन् । भोटखोला गाउँपालिका–का वडाअध्यक्ष अनुसार हाल दुर्घटनामा परेकाहरुको सिम्रिक एयरकै अर्को हेलिकोप्टर र नेपाली सेनाको हेलिकोप्टरले उद्दार गरिरहेको छ ।

उद्दार गरेर दुवै जना घाइतेलाई काठमाडौँ पठाउने तयारी भइरहेको उनले बताए । घाइतेहरु दुबैको टाउकोमा चोट लागेका कारण अवस्था गम्भीर छ ।

माथिल्लो अरुण जलविद्युत् आयोजनाको ल्याब टेष्टका लागि ढुंगा तथा माटोलगायत स्याम्पल ओसार्ने काम सिम्रिक एयरको हेलिकोप्टरले गरिरहेको थियो ।