सिम्रिक एयर हेलिकोप्टर दुर्घटनाका ३ घाइतेलाई काठमाडौँ ल्याइयो

काठमाडौँ । सिम्रिक एयरको हेलिकोप्टर दुर्घटनाका ५ घाइते मध्ये ३ जना गम्भीर घाइतेलाई संखुवासभाबाट काठमाडौँ ल्याइएको छ । थप उपचारका लागि उनीहरुलाई नेपाली सेनाकाे हेलिकाेप्टरबाट काठमाडौँ ल्याइएको हो ।

संखुवासभाको भोटखोला–४ हम्मरेडाँडामा माथिल्लो अरुण जलविद्युत् आयोजनाको सामान ओसारिरहेको सिम्रिक एयरको हेलिकोप्टर अबतरण गर्ने क्रममा दुर्घटनामा परेको थियो ।