समाचार

काठमाडौं । काठमाडौं १ को मतगणनाको सुरुवाती परिणाम रोचक बन्दै  गएको छ ।शुरुवाती चरणमा कांग्रेस नेता प्रकाशमानसिंहले अग्रता लिएका छन् भने विवेकशील साझाका रविन्द्र मिश्र दोस्रोमा छन् । कांग्रेस नेता सिंहले ९३६ मत ल्याउँदा रविन्द्र मिश्रले  ६७० मत ल्याएका छन् ।दुईवीचको मतान्तर २६६ रहेको छ ।

काठमाडौं। काठमाडौंमा मतगणना सुरु भएको छ । क्षेत्र नम्बर १, २, ३, ४, ५, ६ र ९ को मतगणना सुरु भएको हो   । बाँकी क्षेत्रको  मतगणना केही बेरमा सुरु हुने  छ । राष्ट्रिय सभागृहमा काठमाडौँ क्षेत्र नम्बर १ र ४ को मतगणना सुरु गरिएको छ। काठमाडौं १ मा कांग्रेसका प्रकाशमान सिंह, वाम गठबन्धनका अनिल शर्मा र विवेकशील साझाका रवीन्द्र मिश्रलाई मुख्य प्रतिस्पर्धीका रुपमा हेरिएको छ। काठमाडौं ४ मा कांग्रेसका गगन थापा र एमालेका राजन भट्टराई प्रतिस्पर्धामा …

पाँचथर ।  प्रतिनिधी सभा पाँचथरमा मतगणना जारी रहँदा नेकपा एमालेका नेता  बसन्त नेम्वाङले अग्रता  लिएका  छन् ।नेम्वाङले ८९८३ मतका साथ अगाडि छन् भने कांग्रेसका भीष्मराज आङदम्बेले ६६७७ मत पाएका छन् ।नेम्वाङ  २ हजार भन्दा बढी मतले अगाडि छन् ।   पाँचथरमा प्रतिनिधी सभा सदस्य तर्फको मतगणना सकिएपछि मात्र प्रदेशसभा तर्फको मत गणना सुरु गरिने जिल्ला निर्वाचन कार्यलयले जनाएको छ ।  

गोरखा ।  गोरखा क्षेत्र नम्बर २ को मतगणनाको मतपरिणाममा  उमेद्वारद्वय बाबुराम भट्टराई र नारायणकाजी श्रेष्ठबीच कडा प्रतिस्पर्धा देखिएको छ । ७ हजार ६ सय २२ मत गन्दा भट्टराई २०७ मतले अघि छन्  उनले ३ हजार ६ सय ७३ मत पाएका  छन् भने श्रेष्ठले ३ हजार ४ सय ६६ मत पाएका छन् । मतपरिणामको टक्करले मतगणना रोचक बन्दै गएको छ ।

बेनी ।  हिमालपारिको जिल्ला मुस्ताङमा एक प्रतिनिधीसभा र दुई प्रदेशसभा सदस्य गरी तीनै स्थानमा वाम गठबन्धनका उम्मेदवार विजयी भएका छन्। प्रतिनिधीसभातर्फ वामगठबन्धनबाट प्रेमप्रसाद तुलाचन ३५४४ मत लिएर विजयी भएका हुन्। निकटम प्रतिद्वन्द्वी कांग्रेसका रोमी गौचन थकालीले ३१८१ मत ल्याएका थिए। त्यस्तै, प्रदेशसभामा क्षेत्र ख मा वाम गठठबन्धनकै महेन्द्रबहादुर थकालीले २४८४ मत ल्याएर विजयी भएका छन्। उनका प्रतिद्वन्द्वी कांग्रेसका छिरिङधावा गुरुङले २२५९ मत ल्याएका छन् ।

डडेल्धुरा। डडेल्धुरामा मतमेटिका बोकेको गाडीलाई लक्षित गरी बम विस्फोट भएको छ । हरिहरपुरगढी गाउँपालिका ७ भुताहा प्राविका क र ख मतदान केन्द्रका मतपेटिका ल्याउँदै गरेको सवारी साधनमा लक्षित गरी बम विस्फोट गराइएको थियो । विस्फोटबाट बा १ झ ५५३९ नम्बरको गाडीमा सामान्य क्षति भएको छ । मतपेटिका भने सुरक्षित रहेको प्रहरीले जनाएको छ।

काठमाडाै । काठमाडौंमा भुकम्पको ठुलो धक्का महसुस गरिएको छ ।  विहान ८ बजेर ३६ मिनेटमा दोलखालाई केन्द्रविन्दु बनाएर ५.२ रेक्टर स्केलको पराकम्प गएको हो ।राष्ट्रिय भूकम्प मापन केन्द्रका अनुसार यो ०७२ बैशाखको भूकम्पकै पराकम्प हो ।  

काठमाडौं । रक्षामन्त्री भीमसेनदास प्रधानले निर्वाचन विथोल्न खोज्नेहरुमाथि गोली हान्ने अधिकार नेपाली सेनालाई दिइएको बताएका छन् । रिपोर्टर्स क्लब नेपालले  आयोजना गरेको विशेष साक्षात्कारमा   रक्षामन्त्री प्रधानले भने,  “निर्वाचन विथोल्न खोज्ने उच्छृंखल तत्वहरुलाई निस्तेज पार्न नेपाली सेनालाई हामीले आवश्यक निर्देशन दिएका छौं । सेनालाई गोली हान्नेसम्मको अधिकार दिइएको छ ।” भन्दै उनले निर्वाचनको सम्पूर्ण तयारी पूरा भएको र मतदाताहरुको भरपर्दो सुरक्षा प्रबन्ध गरेकोले ढुक्क भएर मतदान गर्न आग्रह गरे । अहिलेसम्म निर्वाचन विरोधी गतिविधि …

काठमाडौं ।भोली हुने प्रतिनिधिसभा र प्रदेशसभाको दोस्रो चरणको निर्वाचनका दिन ४५ जिल्लामा सवारीसाधन भोलि बिहीबार  साँझ ७ बजेसम्म चलाउन रोक लगाइएको छ ।मतदान सकिएपछि साँझ ७ बजेबाट भने सवारीसाधन साबिक रुपमै चल्न पाउने मन्त्रालयले जनाएको छ। गृह मन्त्रालयले सार्वजनिक सूचना जारी गर्दै निर्वाचनका लागि उपत्यकाबाहिर जाने मतदातालाई आज राति १२ बजेसम्म गन्तव्यमा पुग्न पनि आग्रह गरेको छ । मतदान हुने दिन सुरक्षा निकायका सवारीसाधन र निर्वाचन प्रयोजनका लागि पास लिएका सवारीसाधन भने चल्न पाउनेछन्। अत्यावश्यक सेवामा …

काठमाडौं । प्रतिनिधिसभा र प्रदेशसभाको दोस्रो चरणको निर्वाचनका लागि  सम्पूर्ण तयारी पूरा भएको निर्वाचन आयोगले जनाएको छ । ४५ जिल्लाका १ सय २८ निर्वाचन क्षेत्रमा भोलि बिहीबार मतदान हुँदैछ । दोस्रो चरणको निर्वाचनका लागि एक लाख ५५ हजार कर्मचारी खटिएका छन् । सबै कर्मचारी केन्द्रमा पुगी हिजै देखि परिचयपत्र वितरणको काम शुरु गरिसकेका  छन् यो निर्वाचनले आगामी पाँच वर्षका लागि मुलुकको भविष्य निर्माण गर्ने छ । विहान सात बजेदेखि साँझ ५ बजेसम्म हुने मतदानका लागि …