पोखराको मेयरमा गठबन्धनले बनायाे साढे १८ सय मतको अग्रता

पोखरामा गठबन्धनले १८ सयको अग्रता बनाएको छ। मिश्रित दावी गरिएका वडाहरुको गणनामा गठबन्धन अघि देखिएको छ ।

मेयरमा धनराज आचार्यले १ हजार ८४५ मत अग्रता लिएका छन्। उनले १४ हजार ३६२ मत पाउँदा एमालेका कृष्ण थापाले १२ हजार ५१७ मत पाएका छन्।

उपमेयरमा गठबन्धनकी कोपीला रानाभाट भने झिनो अन्तरले अगाडि छिन् । उनले एमालेकी मन्जुदेवी गुरुङलाई ३ सय ९० मतले पछि पारेकी छिन्।

कोपीलाको १४ हजार ६६६ मत आउँदा मन्जुको १४ हजार २७५ मत छ। हालसम्म ३४ हजार ६१७ मत गणना भैसकेको मुख्य निर्वाचन अधिकृतको कार्यालयले जनाएको छ।