काभ्रेका १ पालिका र ७८ वडाकाे परिणाम सार्वजनिक (कसले कति जिते?)

काभ्रे जिल्लाका १३ स्थानीय तहहरूका १३५ वडाहरूमा अहिले मतगणना जारी छ । याे समाचार तयार पार्दा सम्म एक पालिका र ७८ वडाकाे अन्तिम परिणाम सार्वजनिक भइसकेकाे छ । जसमा नेपाली कांग्रेस पहिलाे बनेकाे छ । उसले एक पालिका उपाध्यक्षसहित ३२ वडामा जित हात पारेकाे छ ।

यस्तै एमालेले २८ वडा र माओवादी केन्द्रले एक पालिका अध्यक्षसहित १३ वडामा जितेकाे छ। एकीकृत समाजवादीले २ र स्वतन्त्र उम्मेदवारले २ वडामा जितेका छन् । एउटा वडा राप्रपाले जितेकाे छ ।

पालिका तर्फ भुम्लु गाउँपालिकामा गठबन्धनबाट नेकपा माओवादी केन्द्रले अध्यक्ष र कांग्रेसले उपाध्यक्ष जितेका छन् । पाँचखाल नगरपालिकामा भने वडा नं. १३ मा स्थगित मतदान हिजाे सम्पन्न भएर रातिदेखि मतगणना भइरहेकाे छ । अन्य पालिकामा अन्तिम परिणाम सार्वजनिक हुने क्रम जारी छ ।