काठमाडौंमा ६ वटा समूह बनाएर मतगणना सुरू

काठमाडौं महानगरपालिकामा मतगणनाका लागि ६ वटा समूह बनाइएको छ। आइतबार बिहानसम्म पाँच वटा टोलीले मतगणना गरिरहेकामा कार्यालय समय सुरू भएपछि एउटा टोली थप गरिएको हो।

थप नयाँ समूहले काठमाडौं महानगरको वडा नम्बर ३१ को मतगणना सुरू गरेको छ। अहिलेसम्म वडा नम्बर १, २, ३, ४ र ३२ को गणना भइरहेकोमा एउटा पनि वडाको अन्तिम मतपरिणाम आइसकेको छैन ।

काठमाडौंको महानगरको सहायक निर्वाचन अधिकृत प्रेमप्रसाद पौडेलले नयाँ टोलीले मतगणना सुरू गरिसकेको जानकारी दिए। अहिलेसम्म काठमाडौं महानगरको ६ हजार मत गणना भएको छ।