शेयर बजारः ३४ अंकले घट्याे नेप्से

मंगलबार (आज) पनि शेयर बजारमा उच्च अंकको गिरावट भएको छ। साताको दोस्रो कारोबार दिन सोमबार ४४ दशमलव ६४ अंकले घटेको बजार आज पनि ३४ दशमलव ७८ अंकले गिरावट आएर २ हजार ३८५ दशमलव शून्य २ विन्दुमा झरेको हो ।

मंगलबार २२७ वटा धितोपत्रको ३७ लाख ८३ हजार कित्ता शेयर खरिद बिक्री भएको छ । जसबाट १ अर्ब ५२ करोड ४३ लाख ६४ हजार रुपैयाँ बराबरको शेयर कारोबार भएको नेपाल स्टक एक्सचेञ्जले जनाएको छ ।

मंगलबार १३ समूहमध्ये होटल एण्ड टुरिजम समूहको शून्य दशमलव १ अंकले बढेको छ भने बाँकी सबै समूहको परिसूचक घटेको छ।

त्यस्तै, मंगलबार नेष्डो समृद्ध लघुवित्तको शेयरमूल्यमा सकारात्मक सर्किट लागेको छ । कारोबार रकमको आधारमा ड्रिष्टिलरीको ५ करोड ७५ लाख १ हजार ५५० रुपैयाँ बराबरको शेयर खरिद बिक्री भयो ।