काठमाडौँ । काठमाडौँको टोखाबाट अपहरणमा परेका एक व्यक्तिलाई प्रहरीले सकुशल उद्धार गरेको छ ।

टोखाका रामबाबु शाहलाई टोखाबाट एउटा समूहले अपहरण गरी लोकन्थलीस्थित एक घरमा बन्धक बनाएर राखेको अवस्थामा प्रहरीले सकुशल उद्धार गरेको  हो । अपहरणमा संलग्न ७ जनालाई प्रहरीले पक्राउ गरेको छ ।

अपहरणकारीले अपहरित साहका छोरालाई फोन गरेर ‘२५ लाख रुपैयाँ लिएर आउन र बुबालाई फिर्ता लैजान भन्दै’ फोन गरेका थिए । फोन   आएपछि साहका छोराले प्रहरीलाई सम्पर्क गरेका थिए ।