फरार पूर्वमन्त्री टोपबहादुर रायमाझीको निवासमा खानतलासी

काठमाडौं । नक्कली भुटानी शरणार्थी बनाएर अमेरिका पठाउने कार्यमा सामेल भएको भन्दै पक्राउ पूर्जी जारी गरिएका पूर्वमन्त्री तथा नेकपा एमालेका सचिव टोपबहादुर रायमाझीको निवासमा प्रहरीले खानतलासी गरेको छ । जिल्ला प्रहरी परिसर काठमाडौँको टोलीले रायमाझीको सातदोबाटोस्थित निवासमा खानतलासी गरेको हो ।

प्रहरीले पक्राउ पुर्जी जारी गरेपनि उनी हालसम्म फेला पर्न नसकेपछि प्रहरीले खोजी गर्ने क्रममा रायमाझीको निवासमा खानतलासी गरेको हो । जिल्ला प्रहरी परिसर काठमाडौँका प्रमुख एसएसपी दानबहादुर कार्कीले अर्घाखाँचीबाट निर्वाचित सांसद रायमाझीको निवासमा खानतलासी लिइएको बताए ।

उनको निवासमा खानतलासी गरिएपनि रायमाझी भने फेला परेनन् । रायमाझी र उनका छोरा सन्दीपविरुद्ध वैशाख २० मा पक्राउ पुर्जी जारी भएको थियो ।