नवललपरासी । पूर्वी नवलपरासीको कावासोती-१६ डण्डामा बस र ट्रक एक आपसमा ठोक्किँदा दुई जनाको मृत्यु भएको छ । दुर्घटनामा ३२ जना घाइते भएका छन् ।
घाइतेमध्ये ११ जनाको अवस्था गम्भीर रहेको जिल्ला प्रहरी कार्यालय नवलपुरले जनाएको छ । मृत्यु हुनेमा बस चालक बांके कोहलपुर नगरपालिका-४ का २३ वर्षीय सुरज बिक र बर्दिया वाणगंगा गाउपालिका-२ का २४ वर्षीय लक्ष्मण थारुको रहेका छन् । गम्भीर घाइतेहरुको चितवनको भरतपुरमा उपचार भैरहेको र अन्यको कावासोतीमै उपचार भैरहेको प्रहरीले बताएको छ ।
पूर्व-पश्चिम राजमार्गअन्तर्गत डण्डाको पत्थरे खोला नजिकै शनिबार बिहान साढे ३ बजे नेपालगञ्जबाट काठमाडौंका लागि छुटेको ना ७ ख ५६२९ नम्बरको बस विपरीत दिशाबाट आउँदै गरेका ना ६ ख ७७१९ नम्बरको ट्रकसँग ठोक्किएको प्रहरीले बताएको छ ।
प्रतिकृया दिनुहॊस