बैतडीमा मतदान गरेर फर्केका वृद्वको मृत्यु

काठमाडाैँ । बैतडीमा मतदान गरेर फर्किएका एक वृद्वको मृत्यु भएको छ । मृत्यु हुनेमा जिल्लाको दोगडाकेदार गाउँपालिका-३ कफल्टाका ८४ वर्षका हरिसिंह भाट रहेका छन् ।

सनातन धर्म मावि श्रीकोट मतदान केन्द्रमा मत हालेका उनी त्यहीँ ढलेका थिए । उपचारको लागि स्वास्थ्यचौकी लैजाँदै गर्दा बाटोमै मृत्यु भएको जिल्ला प्रहरी कार्यालय बैतडीका प्रवत्ता प्रहरी निरीक्षक लोकराज जोशीले बताए ।