रोयल नेपाल गल्फ कोर्समा दुई दिने ओपन गल्फ टुर्नामेन्ट-२०२२ सम्पन्न

लुम्बिनी जनरल इन्स्योरेन्स कम्पनीको प्रायोजनमा खेलकुदको विकासका लागि सामाजिक उत्तरदायित्व कार्यक्रम अन्तर्गत चैत्र ११ र १२ गते त्रिभुवन विमानस्थल परिसरमा रहेको रोयल नेपाल गल्फ कोर्समा दुई दिने ओपन गल्फ टुर्नामेन्ट २०२२ सम्पन्न भयो ।

उक्त प्रतियोगितामा १०० जना खेलाडीहरु सहभागी भएका थिए । सहभागी विजेता खेलाडीहरुलाई बिभिन्न १६ वटा बिधाको लागि पुरस्कार तथा पदकहरु वितरण गरियो ।

प्रतियोगितामा पुरुषतर्फ विजेतामा अवकासप्राप्त कर्णेल शशीबिक्रम सिंह, रनरअप मेन्समा अतिरिक्त प्रहरी महानिरिक्षक हरिबहादुर पाल, ग्रस वीनरमा सुरज श्रेष्ठ, महिला विजेतामा श्रीमती तारा कार्की चित्रकार, रनरअप लेडिजमा श्रीमती रेखा घिमिरे, सिनियर वीनरमा मेजर जनरल विजय मोक्तान, विजयी भएका थिए ।

समापनका अवसरमा आयोजित पुरस्कार वितरण समारोहमा लुम्बिनी जनरल इन्स्योरेन्स कम्पनी लि. का अध्यक्ष मनोहर दास मुलले अन्तर्राष्ट्रियरुपमा ख्यातिप्राप्त रहेको गल्फ प्रतियोगिताको माध्यमबाट खेलकुंदको विकासमा योगदान गर्ने र नयाँ पुस्तालाई यस खेलतर्फ आकर्षित गर्ने उद्देश्यसहित कम्पनीले सन् २०१८ र २०१९ मा पनि यसैगरी प्रायोजन गरेको, सन् २०२० र २०२१ मा कोरोना संक्रमणको कारण प्रतियोगिता सम्पन्न हुन नसके पनि यस वर्ष पुनः उक्त कार्यक्रमलाई निरन्तरता दिइएको जानकारी गराए ।