शेयर बजार : १६.३० अंकले घट्यो नेप्से

कारोबार हुने साताको तेस्रो दिन आज मंगलबार शेयर बजारमा गिरावट आएको छ। सोमबार १५ दशमलव ६९ अंकले बढेको बजार आज १६ दशमलव ३० अंकले घटेको हो।

मंगलबार २३० वटा घितोपत्रको १ करोड २० लाख ५३ हजार ७५१ कित्ता शेयर खरिद बिक्री भएको छ । जसबाट ६ अर्ब २८ करोड ७२ लाख १७ हजार ९८५ रुपैयाँ बराबरको कारोबार भएको नेपाल स्टक एक्सचेन्जले जनाएको छ।

मंगलबार १३ वटा समूहमध्ये ५ वटा समूहको परिसूचक बढेको छ भने बाँकी सबै परिसूचकमा गिरावट आएको छ।

कारोबार रकमको आधारमा अरुण भ्याली हाइड्रोपावर डेभलपमेन्ट कम्पनीको ३५ करोड ८५ लाख १२ हजार रुपैयाँ बराबरको शेयर खरिद विक्री भयो।