नौडाँडामा ट्रकसँग स्कुटर ठोकिँदा दुई जनाको मृत्यु

काठमाडाैँ । कास्कीको नौडाँडामा स्कुटर र ट्रक ठोकिँदा २ जनाको मृत्यु भएको छ । नौडाँडाबाट काँडेतर्फ जाँदै गरेको ग २१ प ४४६० नम्बरको स्कुटर रोकिराखेको ट्रकमा ठोक्किँदा अन्नपूर्ण गाउँपालिका १ नौडाँडाका ३० वर्षीय कृष्ण सुवेदी र २८ वर्षीय सुनिल केसीको मृत्यु भएको हो ।

मृतक सुवेदीले चलाएको स्कुटर गए राती १२ बजे ट्रकमा ठोक्किएको प्रहरीले जनाएको छ । दुवै जनाको शव पश्चिमाञ्चल क्षेत्रीय अस्पतालमा पोस्टमार्टमका लागि राखिएको छ । घटनाबारे थप खोजी भइरहेको कास्की प्रहरी प्रवक्ता सुन्दर तिवारीले जानकारी दिए ।