कोरोना अपडेटः थपिए १८९ संक्रमित, २५० जना निकाे भए

गत २४ घण्टाभित्र नेपालमा थप १८९ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार शनिबार १८९ जना संक्रमित थपिएका हुन्।

पछिल्लो २४ घण्टामा ७ हजार ९९७ जनाको कोरोना परीक्षण गर्दा सो संख्यामा संक्रमित थपिएका हुन्। ५ हजार ४८३ जनाको पिसिआर परीक्षण र २ हजार ५१४ जनाको एन्टिजेन परीक्षण गरिएको थियो।

निकाे हुनेकाे संख्या २५० जना रहेको मन्त्रालयले जनाएको छ। हालसम्म निकाे हुनेकाे संख्या ८ लाख ८ हजार ६०३ पुगेकाे छ।

संक्रमणबाट थप २ जनाको मृत्यु भएको छ। हालसम्म मृत्यु हुनेकाे संख्या ११ हजार ५७२ रहेकाे छ।

नेपालमा हाल ५ हजार ४२८ जना सक्रिय संक्रमित छन्।