काठमाडौँ । नेकपा एमालेका नेता भीम रावलले एमसीसी सम्झौता यथावत् अनुमोदनका लागि संसदमा पेश गर्नु राष्ट्र र जनताप्रति गद्धारी हुने टिप्पणी गरेका छन् । सामाजिक सञ्जालमा नेता रावलले यस्तो टिप्पणी गरेका हुन् ।
उनले सम्झौता संसदबाट अनुमोदन नै नभई कार्यान्वयन सम्झौता र जग्गा अधिग्रहण समेतका काम गर्ने, गराउने बारे संसदीय छानबिन समिति गठन गरी संसदको विशेष अधिकार र कानुन उल्लङ्घन गर्नेहरूलाई कारवाई गर्नुपर्ने बताएका छन् ।
उनले यस अघि आफ्नै पार्टी एमालेले संसदको काम नरोकिने गरि जारी राखिएको संसद अवरोध एमसीसी पारित गराउने षड्यन्त्र त होइन भन्दै आशंका व्यक्त गरेका थिए ।
नेता रावलले भनेका छन्- ‘एमसीसी सम्झौता यथावत् अनुमोदनका लागि संसदमा पेश गर्नु राष्ट्र र जनताप्रति गद्धारी हुनेछ । सम्झौता संसदबाट अनुमोदन नै नभई कार्यान्वयन सम्झौता र जग्गा अधिग्रहण समेतका काम गर्ने, गराउने बारे संसदीय छानबिन समिति गठन गरी संसदको विशेष अधिकार र कानुन उल्लङ्घन गर्नेहरूलाई कारवाई गर्नुपर्छ ।’
