काठमाडौँ । आइसिसी महिला टी-ट्वेन्टी विश्वकप एसिया छनोटको पहिलो खेलमा नेपाली महिला क्रिकेट टोलीले आज हङकङसँग खेल्दैछ । खेल नेपाली समय अनुसार बिहान ११:१५ मा युएईको आइसिसी एकेडेमी नम्बर २ मा सुरु हुनेछ ।
नेपाल आज पहिलो खेलमा जित निकाल्दै सुखद सुरुआत गर्न चाहन्छ । तर, हङकङविरुद्ध नेपाललाई जित निकाल्न सहज हुनेछैन । हङकङ पनि नेपाललाई स्तब्ध बनाउने योजनामा हुनेछ ।
छनोट अन्तर्गत नै नेपालले दोस्रो खेल भुटानविरुद्ध मंगलबार खेल्ने तालिका रहेको छ । तेस्रो खेल कुवेतविरुद्ध बिहीबार खेल्नेछ । नेपालले आफ्नो चौथो खेल मलेसियासँग शुक्रबार तथा पाँचौँ खेल आगामी आइतबार युएईविरुद्ध खेल्नेछ ।
तपाईंको प्रतिकृया
