काठमाडौं । अविरल वर्षापछि गएराति आएको पहिरोका कारण धादिङको छुट्टा–छुट्टै स्थानमा गएको दुई परिवारका ५ जनाको मृत्यु भएको छ ।
मृत्यु हुनेहरुमा खानियाँबास ५ का राजकुमार गुरुङकी श्रीमती ३३ वर्षीया बसुदा गुरुङ, १० वर्षकी छोरी लक्ष्मी र पाँच वर्षकी छोरी सरस्वतीको मृत्यु भएको प्रहरीले जनाएको छ । राजकुमारका १० वर्षका छोरा विकास गुरुङ सामान्य घाइते भएका छन् । यसैगरी, खनियाँबास–४ चिउरीबोट गाउँमा पहिरोमा पुरिएर ६० वर्षीय शमशेर घले र उनकी श्रीमती कोप्ची घलेको मृत्यु भएको छ ।
दुईजना बेपत्ता भएका छन् । सात घर पहिरोले पुरिएको छ भने चारजना घाइते भएका छन् ।
गएराति करिब साढे १२ बजेतिर झरेको पहिरोले उनीहरुलाई पुरेको थियो ।
घटनाको थप विवरण आउन बाँकी रहेको र घटनास्थलमा जतिसक्दो छिटो प्रहरी पठाउने तयारी भइरहेको जिल्ला प्रहरी कार्यालय धादिङले जनाएको छ ।
तपाईंको प्रतिकृया
