काठमाडौँ । संवैधानिक निकायहरुमा भएको नियुक्तविरुद्ध रिट लिएर सभामुख अग्नि सापकोटा सर्वोच्च अदालत पुगेका छन् । नियुक्ति संविधानविपरीत भएको भन्दै सभामुख सापकोटा आफै रिट निवेदन लिएर सर्वोच्च पुगेका हुन् ।
उनले सर्वोच्च अदालतको मुद्दा महाशाखामा रिट निवेदन पेस गरेका छन् । रिट निवेदनमा संवैधानिक परिषद्को पुस ५ गतेको निर्णय र उक्त निर्णयका आधारमा संवैधानिक आयोगहरुमा भएको नियुक्तिको पनि बदर गर्न सभामुख सापकोटाले माग गरेका छन् ।
सभामुख सापकोटासँगै नेताहरु शशी श्रेष्ठ, रामकुमारी झाँक्री, जीवनराम श्रेष्ठ र रेखा शर्मालगायत पनि अदालत पुगेका थिए ।
संवैधानिक निकायका पदाधिकारीमा सिफारिस गरेका ३२ जनालाई संसदीय सुनुवाइबिनै र अदालतमा मुद्दा विचाराधीन रहेकै अवस्थामा बुधबार शीतलनिवासमा शपथ गराइएको थियो ।
प्रतिकृया दिनुहॊस