इलाम । झापाको काँकरभिट्टा हुँदै मंगलबार नेपाल भित्रिएका इलामका ६ जनालाई डा. मेघबहादुर पराजुली अस्पताल सिङ्गफ्रिङ्गमा कोरोना भाइरसको आशंकामा क्वारेन्टाइनमा राखिएको छ ।
उनीहरु इलाम नगरपालिका, माइजोगामाई गाउँपालिका लगायतका व्यक्तिहरु रहेको प्रशासनले जनाएको छ ।
हाल नेपालमा पनि २ जना कोरोना भाइरस सङ्क्रमित भेटिएको छ भने १ जना निको भएर घर गएका छन् भने १ जना टेकु अस्पताल उपचाररत छन् ।
विश्वभर महारामारीको रुपमा फैलिरहेको नोबल कोरोना भाइरस कोभिड–१९ का कारण १८ हजार ८ सय ९२ जनाको मृत्यु भएको छ ।
चीनको हुबेई प्रान्तको उहान शहरबाट शुरु भएको कोभिड–१९ लाई विश्व स्वास्थ्य संघठनले विश्वव्यापी महामारीको सङ्ज्ञा दिएको छ ।
प्रतिकृया दिनुहॊस