आज इन्द्रजात्रा मनाइँदै

ललितपुर ।  इन्द्रजात्रा पर्व आज शुक्रबार मनाइँदै छ । भाद्र शुक्ल चर्तुदर्शीका दिन काठमाडौं उपत्यकालगायत धुलिखेल, दोलखालगायतका स्थानमा स्वर्गका राजा देवराज इन्द्रको पूजा अर्चना गर्दै इन्द्र जात्रा पर्व मनाइने गरिन्छ ।

भाद्र शुक्ल यँलाथ्व द्वादशीका दिन गएको मंगलबार हनुमानढोका अगाडि धार्मिक विधिपूर्वक इन्द्रध्वजासहितको लिंगो ठड्याइएपछि यो जात्रा सुरु भएको हो । इन्द्रजात्राको १ दिनअघि बार ५४ जना कुमारीको पूजा  गरिएको छ । जात्राको मुख्य दिन हनुमानढोका दरवारक्षेत्रमा दिउँसो राष्ट्रप्रमुखका रूपमा राष्ट्रपति विद्यादेवी भण्डारी सरिक हुने २५ वडा काठमाडाैँ जात्रा व्यवस्थापन समितिका राजन मर्हजनले जानकारी दिए ।

यो जात्राका बेला जीवित देवीकुमारी, भैरव र गणेशको रथयात्रा गरिंने परम्परा छ । इन्द्रजात्रामा तानिने रथयात्राको राष्ट्रपतिले अवलोकन गर्नुहुनेछ , मर्हजनले भने , तल्लो टोलबाट रथ तानेर माथिल्लो टोलसम्म पु¥याइन्छ । जात्राभरि , लाखेनाच, महाकाली नाच, दशअवतार तथा देवताहरूका राजा इन्द्रको बाहन ऐरावत हात्तीको प्रतीकका रूपमा पुलुकिसी नाच नचाउने गरिन्छ ।

इन्द्रजात्रामा मरुटोलमा मरुसत्तल र सिंल्यंसत्तअको बीचमा अग्लो डबली बनाई चार सिंहमाथि रहेको खटमा इन्द्रको मूर्तिलाई डोरीले बाँधेर राख्ने चलन छ ।