एर्भटनसंग बराबरीमा रोकियो लिभरपुल

एजेन्सी । इङ्ग्लिश प्रिमियर लिग फुटबलमा उपाधि दाबेदार क्लब लिभरपुल एभर्टनसंग बराबरीमा रोकिएको छ । आइतबार भएको खेलमा लिभरपुलले एभर्टनसंग गोलरहित बराबरी खेल्दै अंक बाडेको हो ।

एभर्टनको मैदानमा भएको खेलमा पाएको मौकालाई सदुपयोग गर्न नसक्दा लिभरपुलले एक अंकमा चित्त बुझाएको हो ।

घरेलु टोलीमाथि बल पोजिसनमा पकड जमाएपनि लिभरपुलका फरवार्ड गोल गर्न चुके । यस्तै मोहमद सलाह लगायतका खेलाडीको प्रहार एभर्टनका किपर जोर्डन पिकफोर्डले उत्कृष्ट बचाऊ गरेका थिए ।

बराबरीसंगै लिभरपुलले शीर्ष स्थानमा उक्लने मौका गुमाएको छ । दोस्रो स्थानको लिभरपुलले २८ खेलबाट ७० अंक जोडेको छ । एभर्टनलाई पराजित गरेको भए लिभरपुल शीर्ष स्थानमा उक्लने थियो । दशौं स्थानको एभर्टनले ३७ अंक जोडेको छ ।

लिभरपुल बराबरीमा रोकिदा म्यानचेस्टर सिटीलाई भने फाइदा पुगेको छ । लिभरपुल रोकिएपछि शीर्ष स्थानको सिटीले १ अंकको अग्रता बनाएको छ । सिटीको ७१ अंक छ ।