क्यान्सरसम्बन्धी जनचेतना जगाउँदै ग्लोबल आइएमई बैंक

काठमाडौं । ग्लोबल आइएमई बैंकले क्यान्सरसम्बन्धी जनचेतनामूलक कार्यक्रम गरेको छ । आफ्नो सामाजिक उत्तरदायित्व अन्तर्गत क्यान्सर काउन्सिल नेपालसँगको सहकार्यमा जनचेतनामूलक कार्यक्रम संचालन गरेको बैंकले जनाएको छ ।

यसका साथै सोही कार्यक्रममा ग्लोबल आइएमई बैंक लिमिटेडसँग हातेमालो गरी नेपाल प्रहरीले साइबर क्राइमको बारेमा प्रस्तुती पनि दिएको थियो । ग्लोबल आइएमई बैंक लिमिटेडले स्थापनाकाल देखि नै आफ्नो सामाजिक उत्तरदायित्वलाई प्राथमिकतामा राखेर विभिन्न क्षेत्रमा सहयोग पु¥याउँदै आएको छ ।

बैंकले विभिन्न समयमा मुलुकमा आईपर्ने प्राकृतिक विपत्तिहरु; बाढी, पहिरो, भुकम्प लगायतका विपतको समयमा सहयोग गर्दै आएको छ भने जनचेतनामूलक कार्यक्रमहरुका साथै सामाजिक कार्यहरुमा पनि सदैव सक्रिय रहँदै आएको छ ।