काठमाडौँ । डोङफेङ मोटर इन्डस्ट्री इम्पोर्ट एण्ड एक्सपोर्ट कम्पनी लिमिटेड (DFMIEC) का अध्यक्ष श्री वाङ लङको नेतृत्वमा वरिष्ठ प्रतिनिधिमण्डलले नेपालमा औपचारिक निरीक्षण तथा आदान–प्रदान भ्रमण सम्पन्न गरेको छ । उक्त भ्रमणको उद्देश्य नेपालमा डोङफेङको बजार प्रदर्शन, सञ्चालन संरचना तथा समग्र उपस्थितिको समीक्षा गर्नुका साथै स्थानीय साझेदार र ग्राहकसँगको सहकार्यलाई अझ सुदृढ बनाउनु रहेको थियो । यस भ्रमणले डोङफेङ मोटरको नेपाली बजारप्रतिको निरन्तर प्रतिबद्धता र दीर्घकालीन विकास सम्भावनाप्रति केन्द्रितता झल्काएको छ ।
उक्त प्रतिनिधिमण्डलमा DFMIEC का अध्यक्ष श्री वाङ लङ, रणनीतिक सञ्चालन विभागका निर्देशक श्री झाओ स्याओजिए, मानव संसाधन विभागका निर्देशक श्री चेन जियान तथा दक्षिण एसिया क्षेत्रीय प्रबन्धक श्री हे जिक्सिन सहभागी थिए । टोलीले नेपालमा हाल भइरहेको बजार गतिविधिको अवलोकन गर्नुका साथै पूर्वाधार तथा बिक्रीपछिको सेवा सञ्चालनको मूल्याङ्कन गर्दै भविष्यमा वृद्धि, विस्तार तथा बजार पहुँच थप सुदृढ गर्ने सम्भावनाहरूको खोजी गरेको थियो ।
भ्रमणका क्रममा प्रतिनिधिमण्डलले नेपालमा डोङफेङको कार्यसम्पादनको समीक्षा गर्दै ग्राहक प्रतिक्रिया, बजार प्रवृत्ति तथा सञ्चालन दक्षताबारे जानकारी हासिल गर्यो । साथै, विद्यमान संरचनाहरूको मूल्याङ्कन गर्दै ब्रान्ड उपस्थिति सुदृढ गर्ने, ग्राहक अनुभव सुधार गर्ने तथा नेपाली बजारमा उत्पादन दायरा विस्तार गर्ने रणनीतिहरूबारे छलफल गरिएको थियो ।
भ्रमणकै क्रममा डोङफेङका प्रतिनिधिहरूले ग्राहकहरूलाई ‘नामी’ (Nammi) गाडी हस्तान्तरण गरेका थिए, जसले नेपालमा ब्रान्डका लागि एक महत्वपूर्ण उपलब्धि संकेत गरेको छ । उक्त गाडी हस्तान्तरणले डोङफेङ र नाम्मीले विश्वसनीय तथा मूल्य–केन्द्रित आवागमन समाधान प्रदान गर्दै देशका ग्राहकहरूसँग दीर्घकालीन सम्बन्ध निर्माण गर्ने प्रतिबद्धता झल्काएको छ ।
भ्रमण भविष्यमा सहकार्य तथा बजार विकाससम्बन्धी सकारात्मक छलफलसहित सम्पन्न भएको थियो । डोङफेङ मोटरले नेपालमा आफ्ना सञ्चालन विस्तारमा सहयोग पुर्याउने प्रतिबद्धता दोहोर्याउँदै स्थानीय साझेदारहरूसँग नजिकबाट सहकार्य गरी पूर्वाधार सुदृढ गर्ने, सेवा गुणस्तर उकास्ने तथा विकसित हुँदै गएको नेपाली विद्युतीय सवारी (EV) बजारमा नयाँ सम्भावनाहरू खोज्ने जनाएको छ ।
