काठमाडौं । अख्तियार दुरुपयोग अनुसन्धान आयोगले स्वास्थ्य सामग्री खरिद प्रक्रियामा भएको अनियमितताका विषयमा निवर्तमान स्वास्थ्य सचिव डा. संगीता मिश्रासहित १५ जनाविरुद्ध विशेष अदालतमा भ्रष्टाचार मुद्दा दायर गरेको छ । आयोगका प्रवक्ता राजेन्द्रकुमार पौडेलले आइतबार दर्ता भएको मुद्दामा संलग्नहरूमाथि सार्वजनिक खरिद ऐनको उल्लंघन गरी आर्थिक अनियमितता गरेको आरोप लगाएका हुन् । 

डा. मिश्रामाथि स्वास्थ्य सचिवका रूपमा कार्य गर्दा सार्वजनिक खरिद प्रक्रियालाई बेवास्ता गर्दै व्यक्तिगत स्वार्थका आधारमा निर्णय गरेको अभियोग छ । उनी त्यसबेला स्वास्थ्य सचिवको दौडमा थिइन्, तर तत्कालीन स्वास्थ्यमन्त्री प्रदीप पौडेलले डा. विकास देवकोटालाई सचिव नियुक्त गरेका थिए ।

मिश्राको राजनीतिक करियर पनि यसअघि विवादमा परेको थियो। सुशीला कार्की नेतृत्वको अन्तरिम सरकार गठन भएपछि उनले अतिरिक्त सचिव पदबाट राजीनामा दिएकी थिइन्। त्यसबेला उनलाई स्वास्थ्य तथा जनसंख्या मन्त्री बनाउने तयारी भए पनि अख्तियारले अनुसन्धान सुरु गरेपछि उनको राजनीतिक नियुक्ति रोकिएको थियो।

अख्तियारले दायर गरेको यस मुद्दाले नेपालको स्वास्थ्य क्षेत्रमा व्याप्त भ्रष्टाचार र अनियमिततालाई पुनः उजागर गरेको छ। यस घटनाले विभिन्न सरोकारवाला निकायहरूको गम्भीर ध्यानाकर्षण गरेको छ । अब विशेष अदालतको फैसलाले मात्रै यस प्रकरणमा कसको कति संलग्नता थियो भन्ने कुराको निक्र्योल गर्नेछ ।