काठमाडौँ । सुन खरिद गर्ने सोचमा हुनुहुन्छ तर बजेटको चिन्ताले सताएको छ ? अब चिन्ता लिनुपर्दैन ! नबिल बैंकले आफ्ना ग्राहकहरूका लागि ‘नबिल ढुक्क सुन खरिद कर्जा’ योजना ल्याएको छ, जसले सुनका गहना खरिद गर्न थप सहजता प्रदान गरेको छ । यो योजनाले ग्राहकहरूलाई नबिल बैंकसँग आबद्ध गरगहना व्यापारीहरूबाट सुन खरिद गर्न वित्तीय सुविधा उपलब्ध गराउँछ ।

मुख्य विशेषताहरू:

• उच्च वित्तपोषण: यस योजनाअन्तर्गत, तपाईंले खरिद गर्न चाहेको सुनको उचित बजार मूल्य (FMV) को ७०% सम्म कर्जा प्राप्त गर्न सक्नुहुनेछ । यसको अर्थ तपाईंले कम डाउन पेमेन्टमा पनि सुनका गहना खरिद गर्न सक्नुहुनेछ ।

• किफायती मासिक किस्ता (EMI): कर्जा चुक्ता गर्नका लागि तपाईंलाई सहज र किफायती मासिक किस्ताको सुविधा प्रदान गरिनेछ, जसले गर्दा वित्तीय भार कम हुनेछ ।

• सुन नै धितो: खरिद गरिएको सुनका गहनाहरूलाई नै धितोका रूपमा राखिनेछ र कर्जा पूर्ण रूपमा चुक्ता भएपछि तपाईंलाई फिर्ता गरिनेछ ।

• लचिलो भुक्तानी विकल्प: यस कर्जाको अधिकतम सीमा १० लाख रुपैयाँसम्म रहेको छ र यसलाई १० वर्षसम्मको लचिलो अवधिमा चुक्ता गर्न सकिन्छ ।

• प्रतिस्पर्धात्मक ब्याजदर र निःशुल्क बीमा: नबिल बैंकले यस योजनामा प्रतिस्पर्धात्मक ब्याजदरका साथै निःशुल्क बीमाको सुविधा पनि प्रदान गरेको छ, जसले ग्राहकहरूलाई थप ढुक्क बनाउँछ ।

• एक घण्टाभित्र डेलिभरी अर्डर: कर्जा स्वीकृतिको प्रक्रिया पूरा भएको १ घण्टाभित्रै तपाईंले डेलिभरी अर्डर प्राप्त गर्न सक्नुहुनेछ, जसले सुन खरिद प्रक्रियालाई छिटो र प्रभावकारी बनाउँछ ।

उपलब्ध शाखाहरू:

• उपत्यकाभित्र: न्यूरोड, कोटेश्वर

• उपत्यकाबाहिर: बुटवल-योगीकुटी, नेपालगन्ज-भानुभक्त चोक

आवश्यक कागजातहरू:

• आवेदक र मनोनित व्यक्तिको नागरिकताको प्रतिलिपि

• आवेदक र मनोनित व्यक्तिको फोटो

• नबिल बैंकसँग आबद्ध गरगहना व्यापारीबाट सुनको गहनाको कोटेशन

• सुनको गहनाको बीजक (Invoice)

यो योजनाले सुन खरिद गर्ने नेपालीहरूको सपनालाई साकार पार्न मद्दत पुर्याउने विश्वास नबिल बैंकले लिएको छ । थप जानकारीका लागि नबिल बैंकका नजिकका शाखाहरूमा सम्पर्क गर्न सकिनेछ ।